Английская поэзия


ГлавнаяБиографииСтихи по темамСлучайное стихотворениеПереводчикиСсылки
Рейтинг поэтовРейтинг стихотворений

Geoffrey Chaucer (Джеффри Чосер)


To Rosemounde


  A Balade

Ma dame, ye ben of al beaute shryne
As fer as cercled is the mapamonde;
For as the cristall glorious ye shyne,
And lyke ruby ben your chekys rounde.
Therwyth ye ben so mery and so iocunde
That at a reuell whan that I se you dance,
It is an oynement vnto my wounde,
Thoght ye to me ne do no daliance.

For thogh I wepe of teres ful a tyne,
Yet may that wo myn herte nat confounde;
Your semy voys that ye so small out twyne
Makyth my thoght in ioy and blys habounde.
So curtaysly I go, wyth loue bounde,
That to my self I sey, in my penaunce,
Suffyseth me to loue you, Rosemounde,
Thogh ye to me ne do no daliaunce.

Nas neuer pyk walwed in galauntyne
As I in loue am walwed and iwounde;
For whych ful ofte I of my self deuyne
That I am trew Tristam the secunde.
My loue may not refreyde nor affounde;
I brenne ay in an amorouse plesaunce.
Do what you lyst, I wyl your thral be founde,
Thogh ye to me ne do no daliance. 



Geoffrey Chaucer's other poems:
  1. Merciles Beaute
  2. Good Counsel of Chaucer
  3. Chaucer's Words to His Scrivener
  4. Roundel
  5. Lak of Stedfastnesse


Распечатать стихотворение. Poem to print Распечатать стихотворение (Poem to print)

Количество обращений к стихотворению: 791



Последние стихотворения

Поддержать сайт

To English version


Рейтинг@Mail.ru

Английская поэзия. Адрес для связи eng-poetry.ru@yandex.ru