Poem by Carolina Oliphant, Lady Nairne

Tammy

I wish I ken'd my Maggie's mind,
If she's for me or Tammy;
To me she is but passing kind,
She's caulder still to Tammy.
And yet she lo'es me no that ill,
If I believe her granny;
O sure she must be wond'rous nice,
If she'll no hae me or Tammy.

I've spier'd her ance, I've spier'd her twice,
And still she says she canna;
I'll try her again, and that maks thrice,
And thrice, they say, is canny.
Wi' him she'll hae a chaise and pair,
Wi' me she'll hae shanks-naggie;
He's auld and black, I'm young and fair,
She'll surely ne'er tak Tammy.

But if she's a fule, and slightlies me,
I'se e'en draw up wi' Nancy;
There's as gude fish into the sea
As e'er cam' out, I fancy.
And though I say't that shou'dna say't,
I'm owre gude a match for Maggie;
Sae mak' up your mind without delay,
Are ye for me, or Tammy?

1. Gude Nicht, and Joy Be Wi' Ye A'
2. Her Home She Is Leaving
3. The Lass o’ Gowrie
4. Cauld Kail in Aberdeen
5. Fell He on the Field of Fame

Print

1118 Views

Last Poems

To Russian version