Poem by Carolina Oliphant, Lady Nairne

* * *

  Gaelic Air.

Fareweel, O fareweel!
My heart it is sair;
Fareweel, O fareweel!
I'll meet him nae mair.

Lang, lang was he mine,
Lang, lang, but nae mair;
I maunna repine,
But my heart it is sair.

His staff's at the wa',
Toom, toom is his chair!
His bannet an' a'!
An' I maun be here!

But O! he's at rest,
Why sud I complain?
Gin my saul be blest,
I'll meet him again.

O! to meet him again
Whare hearts ne'er are sair;
O! to meet him again
To part never mair!

1. Gude Nicht, and Joy Be Wi' Ye A'
2. Her Home She Is Leaving
3. The Lass o’ Gowrie
4. Cauld Kail in Aberdeen
5. Fell He on the Field of Fame

Print

1124 Views

Last Poems

To Russian version