English poetry

Poets Biographies Poems by Themes Random Poem
The Rating of Poets The Rating of Poems

Poem by Carolina Oliphant, Lady Nairne


The Lass o Gowrie


T WAS on a summers afternoon,
A wee afore the sun gaed down,
A lassie, wi a braw new gown,
  Cam ower the hills to Gowrie.
The rosebud, washed in summers shower,	
Bloomed fresh within the sunny bower;
But Kitty was the fairest flower
  That eer was seen in Gowrie.

To see her cousin she cam there,
An, O, the scene was passing fair!
For what in Scotland can compare
  Wi the Carse o Gowrie?
The sun was setting on the Tay,
The blue hills melting into gray;
The mavis and the blackbirds lay
  Were sweetly heard in Gowrie.

O, lang the lassie I had wooed!
An truth and constancy had vowed,
But cam nae speed wi her I loed,
  Until she saw fair Gowrie.
I pointed to my faithers ha,
Yon bonnie bield ayont the shaw,
Sae loun that there nae blast could blaw;
  Wad she no bide in Gowrie?

Her faither was baith glad and wae;
Her mither she wad naething say;
The bairnies thocht they wad get play
  If Kitty gaed to Gowrie.
She whiles did smile, she whiles did greet,
The blush and tear were on her cheek;
She naething said, an hung her head;
  But now she s Leddy Gowrie.



Carolina Oliphant, Lady Nairne


Carolina Oliphant, Lady Nairne's other poems:
  1. The Land o' the Leal
  2. The Hundred Pipers
  3. Huntingtower
  4. Dunottar Castle
  5. Fell He on the Field of Fame


Poem to print Print

977 Views



Last Poems


To Russian version


@Mail.ru

English Poetry. E-mail eng-poetry.ru@yandex.ru