English poetry

Poets Х Biographies Х Poems by Themes Х Random Poem Х
The Rating of Poets Х The Rating of Poems

Poem by Carolina Oliphant, Lady Nairne


* * *


He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

My faither's gane to fecht for him,
My brithers winna bide at hame;
My mither greets and prays for them,
And deed she thinks they're no to blame.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

The Whigs may scoff, the Whigs may jeer,
But ah! that love maun be sincere,
Which still keeps true whate'er betide,
An' for his sake leaves a' beside.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

His right these hills, his right these plains;
O'er Hieland hearts secure he reigns;
What lads e'er did our lads will do;
Were I a laddie, I'd follow him too.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

Sae noble a look, sae princely an air,
Sae gallant and bold, sae young and sae fair:
Oh! did ye but see him, ye'd do as we've done;
Hear him but ance, to his standard you'll run.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.



Carolina Oliphant, Lady Nairne


Carolina Oliphant, Lady Nairne's other poems:
  1. Fell He on the Field of Fame
  2. The Pentland Hills
  3. Dunottar Castle
  4. Rest Is Not Here
  5. Cauld Kail in Aberdeen


Poem to print Print

1136 Views



Last Poems


To Russian version


–ейтинг@Mail.ru

English Poetry. E-mail eng-poetry.ru@yandex.ru