Английская поэзия

ГлавнаяБиографииСтихи по темамСлучайное стихотворениеПереводчикиСсылкиАнтологии
Рейтинг поэтовРейтинг стихотворений

Andrew Lang (Эндрю Лэнг)

Ballade of the Tweed

The ferox rins in rough Loch Awe,
A weary cry frae ony toun;
The Spey, that loups o'er linn and fa',
They praise a' ither streams aboon;
They boast their braes o' bonny Doon:
Gie ME to hear the ringing reel,
Where shilfas sing, and cushats croon
By fair Tweed-side, at Ashiesteel!

There's Ettrick, Meggat, Ail, and a',
Where trout swim thick in May and June;
Ye'll see them take in showers o' snaw
Some blinking, cauldrife April noon:
Rax ower the palmer and march-broun,
And syne we'll show a bonny creel,
In spring or simmer, late or soon,
By fair Tweed-side, at Ashiesteel!

There's mony a water, great or sma',
Gaes singing in his siller tune,
Through glen and heugh, and hope and shaw,
Beneath the sun-licht or the moon:
But set us in our fishing-shoon
Between the Caddon-burn and Peel,
And syne we'll cross the heather broun
By fair Tweed-side at Ashiesteel!


Deil take the dirty, trading loon
Wad gar the water ca' his wheel,
And drift his dyes and poisons doun
By fair Tweed-side at Ashiesteel! 

Andrew Lang's other poems:
  1. Melville and Coghill - The Place of the Little Hand
  2. Clerk Saunders
  3. Alison Gross
  4. Ballade of the Royal Game of Golf
  5. Ballade of His Books

Распечатать стихотворение. Poem to print Распечатать (Print)

Количество обращений к стихотворению: 1065

Последние стихотворения

To English version


Английская поэзия. Адрес для связи eng-poetry.ru@yandex.ru