Alexander Anderson (Александр Андерсон)

Bonnie Bessie Logan

O, bonnie Bessie Logan
 Is dainty, young, and fair;
The very wind that's blawin',
 It lingers in her hair.
Sae lichtsome is her footstep
 As she comes o'er the lea;
But bonnie Bessie Logan
 Is owre young for me.

O, bonnie Bessie Logan,
 The lads are at the stile,
Or half-way up the loanin'
 To catch your winsome smile;
I fain wad be amang them,
 If sic a thing could be,
But bonnie Bessie Logan
 Is owre young for me.

O, bonnie Bessie Logan,
 I saw you late yestreen;
A rose was on your bosom,
 And love was in your een.
I doot the lad that pu'd it
 Is sure to win his plea,
For bonnie Bessie Logan
 Is owre young for me.

1. Finis
2. A Castle Old and Grey
3. The Time of the Rose Is Over
4. A Walk to Pamphy Linns
5. Cuddle Doon

Распечатать (To print)

Количество обращений к стихотворению: 1281

Последние стихотворения

To English version