Poem by Robert Burns

I Hae a Wife

I HAE a wife o’ my ain,
  I’ll partake wi’ naebody;
I’ll tak cuckold frae nane,
  I’ll gie cuckold to naebody.

I hae a penny to spend,
  There-thanks to naebody;
I has naething to lend,
  I’ll borrow frae naebody.

I am naebody’s lord,
  I’ll be slave to naebody;
I hae a guid braid sword,
  I’ll tak dunts frae naebody.

I’ll be merry and free,
  I’ll be sad for naebody;
Naebody cares for me,
  I care for naebody.

1. Blythe Was She
2. I Gaed a Waefu' Gate Yestreen
3. The Flowery Banks of Cree
4. Farewell to Ballochmyle
5. The Banks of Nith (THE THAMES flows proudly to the sea)

Print

3902 Views

Last Poems

To Russian version