Poem Themes •
Random Poem •
The Rating of Poets • The Rating of Poems
Poem by Alexander Montgomerie
Sonnet 37. “My plesuris past procures my present pain…”
My plesuris past procures my present pain ; My present pain expels my plesurs past ; My languishing, alace ! is lyk to last ; My greif ay groues, my gladenes wants a grane ; My bygane joyes I can not get agane, Bot, once imbarkit, I must byde the blast. I can not chuse ; my kinsh is not to cast : To wish it war, my wish wald be bot vane : Jit, vhill I sey my senses to dissaive, To pleis my thoght, I think a thousand things, Quhilks to my breist bot boroude blythnes brings : Anis hope I had, thoght nou dispair I halve : A stratagem, thoght strange, to stay my sturt, By apprehensioun for to heill my hurt.
Alexander Montgomerie's other poems:
English Poetry. E-mail firstname.lastname@example.org