Poem by William Dunbar

To the King [In hansill of this guid New Yeir]

My prince in God, gif thee guid grace,
Joy, glaidnes, confort, and solace,
Play, pleasance, myrth, and mirrie cheir
In hansill of this guid New Yeir.

God gif to thee ane blissed chance,
And of all vertew aboundance,
And grace ay for to perseveir
In hansill of this guid New Yeir.

God give thee guid prosperitie,
Fair fortoun and felicitie,
Evirmair in earth quhill thow ar heir,
In hansell of this guid New Yeir.

The heavinlie Lord His help thee send
Thy realme to reull and to defend,
In peace and justice it to steir,
In hansell of this guid New Yeir.

God gif thee blis quharevir thow bownes,
And send thee many Fraunce crownes,
Hie liberall heart, and handis not sweir,
In hansell of this guid New Yeir.

1. The Ballad of Kynd Kittock
2. Best to Be Blithe
3. Sir Thomas Norny
4. To the King [Of benefice, sir, at everie feist]
5. None May Assure in This World

Print

1146 Views

Last Poems

To Russian version