Poem by Robert Burns

The Sailor’s Song

Tho’ women’s minds, like winter winds,
  	May shift, an’ turn, and a’ that,
The noblest breast adores them maist-
  	A consequence I draw that.

        CHORUS.
  	For a’ that, and a’ that,
    		An’ twice as meikle ‘s a’ that;
  	The bonnie lass that I lo’e best,
    		She’ll be my ain for a’ that!

Great love I bear to a’ the fair,
  	Their humble slave and a’ that;
But lordly will, I hold it still
  	A mortal sin to thraw that.

But there is ane aboon the lave
  	Has wit, an’ sense, and a’ that;
A bonnie lass, I like her best,
  	An’ wha a crime dare ca’ that?

In rapture sweet this hour we meet
  	Wi’ mutual love, and a’ that;
But for how lang the flee may stang, –
  	Let inclination law that.

Their tricks an’ craft has put me daft;
  	They’ve ta’en me in, and a’ that;
But clear your decks, an’ Here’s the sex!
  	I like the jads for a’ that!

1. Blythe Was She
2. I Gaed a Waefu' Gate Yestreen
3. The Flowery Banks of Cree
4. The Banks of Nith (THE THAMES flows proudly to the sea)
5. Farewell to Ballochmyle

Print

3450 Views

Last Poems

To Russian version